11 JIR MASAARI AH OO NOQOTAY HOOYADII UGU YAREYD ADUUNKA . (Qiso Layaab leh)

Gabar Lugu Magacaabo Hindi Maxamed u dhalatay dalka masar ayaa waxey noqotay hooyadii ugu yareed ee dunida kadib markii loo geestay kufsi taas oo keentay in ay uur ku qadaado dabadeedna ay dhashay 11 sano ayidoo jirto gabar ay ugu magac dartay Minatulah.
Hindi Maxamed ayaa waxey warbaahinata Gudaha Masar iyo Dibada uga sheekeysay dhacadadaaan xanuunka badan waxeyna ku bilowday hadalkeedii sidan.
'Anigoo u socdo Naadi Lugu ciyaaro Kubadda cagta oo ku yaalo goob ay u badanyahiin dadka shacbiga( danyarta) si aan u keeno walaalkey oo jiis ah saacaduna ay tahay labadii maalinimo, qof ayaa xoog igu soo jeeday waxuuna ila hoos galay dhismo anan wili la dhameestirin, asigoo igu handadaayo mintidii uu watay waxuu qoofkaasi i fadhiisiyay al-wax korkeekiisa kadibna waa i kufsaday markii uu i kufsaday kadib waa i garaacay waana iga tagay anigoo gareyn xitaa meesha uu igu kufsaday, waxuu qofkaas inta uusan iga tigin iigu hanjabay hadii aan dhacdadan u sheego hooyadey ama aabahey in uu i dilaayo waxuuna igu yiri waan garanayaa saacadaha aad maalin walba schoolkoolkaada aado ee sidaas ogow.
waan iska ooyay maxaa yeelay ma awoodo in xitaa aan gurigii u laabto waxaa i aragtay islaan oo i gaartsiisay ilaa iyo goobtii Naadiga ee Ciyaaraha kadibna aniga ayaa kaligey gurigii usoo laabtay.
dabcan islaantaas ma anan u sheegin kufsigii la ii geestay sababtoo ah waxaan ka cabsanaayay ninkii i kufsaday.
Shan bil kadib dhacdadii kufsiga, waxaan dareemay colool xanuun aad u xanuun badan waxeyna saacadu aheed 2 habeenimo, abaahey ayaa waxuu ii keenay kaniin xanuun ka hor inta anan subaxdii la ii wedin cisbitaal si la ii saaro raajo, goobtii raajada waxaa dhacday arintii iigu yaabka badneed nolosheyda waxaa uu dhakhtarkii inoo sheegay in aan uur leeyahay.
hadda hooyadey ayaa gabadheyda ku dadaasho ayida ayaa cunta siiso ayida ayaa caafimaadkeeda ka warheyso aniga waxaan u nuujiya naaska oo kaliya.
Waxaan u laabtay schoolkeyga oo aan ka dhigto fasalka lixaad ee dugsiga hoose,bilowgii schoolka markaan ku soo laabtay ardayda qaar ayaa i dhibeen ayigoo igu fowdeynaayo kufsigii la ii geestay iyo in aan Tvga Ka hadlay.
aniga malihi wax asxaab ah ilaa iyo hada, familkeyguna dadka ma dhex galaan,
Waxaan dareemayaa xanuun sababtoo ah waa markii iigu horeysay oo aan maro uur iyo dhalid, waxaan sidoo kale dareemayaa in aniga iyo gabadheyda dulmi noola geestay maxaa yeelay shaqsigii dhibkaan ii geystay waxey maxkamadu tiri dinbi malahan.
waxaan aniga iyo familkeyga warbaahinta la hadalnay kadib markii shaqsigii kufsiga ii geestay maxkamadu tiri dinbi malahan anigoo dooneynay in aan fikirka guud ee bulshada kicino.
Waxaan doonayaa gabadheyda Minatulah in ay noqto qanuun-yahan si ay xaqeeda ugu doodo oo xitaasi ay usoo dhacsato.

Markii dhacdadaan kufsiga warbaahintu ogaatay ayey Suzan Mubarak haweeneyda madaxweynaha dalka Masar Xusni Mubarak ay soo saartay go,aan ay nugu siineyso aniga familkeyga guri cusub oo ku yaalo magaalada Qaahira.
Waxaanu ka qaadanay Go,aankii maxkamad ay ninkii i kufsaday dinbi la,aan kaga dhigtay racfaan mana laga yaabo in aan rumeysto in ay maxkamada sare ayidana dinbi la,aan ka dhigto ninkii i kufsaday si markaasi gabadheyda ay u noqoto aabe la,aan.'
Ismaaciil Saxaaf saxaaf@hotmail.com

QISO JACEEL MURAGA LEH OO KU DHACDAY WIIL SOOMALIYEED OO KU NOOL DALKA MASAR

Wiil aanu magaciisa kusoo koobnay Cumar oo ku Nool Dalka masar ayaa waxaa ku dhacday Qiso muruga leh,ka dib markii uu jeclaaday Gabar ku Nool Dalka Holand Oo Lugu Magacaabo Fahiimo Saalax oo ay isku bartaan Qololka Chat Roomka Gaar ahaan kan Markacadey.
Cumar iyo Fahiimo ayaa Markey wada socdeen Hal sano ku dhawaad waxey ku heshiiyeen in ay jeceelkooda guur u bedelaan Waxaana La balamay Maalinta Jimcaha salaada ka danbe in Leesku mahriyo oo ay Fahiimo Online soo Noqoto Msnka,Markii Saaladii Jimcaha Laga baxay ayaa waxuu Cumar soo weday wadaad Lugu magacaabo Sheekh Axmed si uu ugu nikaaxiyo fahiimo, lakiin waxaa dhacay Waxaan La filaneyn Fahiimo oo la sugaayay in ay online msnka kasoo noqoto ayaa Online kasoo Noqon weysay, Cumar Waxuu ISku dayay in uu Ka waco TelefoneKa, Lakiin Nasiib Daro Telfonekeedana Waa xirnaa, Cumar waxuu Dareemay In Fahiimo been u sheegtay, Waxuuna ISka Fasaxay Sheekhii Kana raali Galeeyay Arintaan.

Cumar waxuu Raadinaayay Fahiimo Mudo Dheer Lakiin waa uu Ka Quustay in uu helo Meel ay Cirab iyo Raad dhigtay.
Cumar oo ahaa wiil Furfuran Inta badanna gala Goobaha somalida ku wada sheekeystaan ayaa waxuu Muda Ka danbe Ka Bartay Gabar Qol ka mid ah Qolalka Paltalka(Waa Meel Soomalid ku wada sheekeestaan Qoraal ahaan Iyo Cod ahaan ahaan) Gabadhaas oo maagaceeda ISugu Sheegtay Nasra oo Ku Nool Magaaalada London Ee Cariga Ingiriiska, Cumar iyo Nasra waxey wada socdeen Mudo 6 Bilood ah, waxuuna u sheegay Nasra In uu Yahay wiil Anana Rabin sheeko Kaliya sida dhalinyarada somalida inta badan ,Lakiin uu doonaayo Guur Xalaal ah, Waxuuna Nasra U sheegay Qisadii hore Ugu dhacday ,Nasra Waa ka Aqbashay Guurkii waxeyna Balameen In ay is Guursadaan, Maadama aysan Meel isla joogina Telefoneka lugu Nikaaxiyo ,Lakiin Nasiib Daro waxaa dhacay Arintii Hore Mid ka daran Waxaa La waayay Nasra Telefonekiina Waxaa ka Qabtay Nin isku sheegay In uu Qabo Nasra, waxey Noqotay wax la yaableh.

Cumar oo Arintaan Yaab ku Noqotay ayaa waxuu Go,aan ku gaaray In uu Naag dhan wax la Dhaho iska dhaafo una soo jeestado waxbarashadiisa , Lakiin Wiil saxiibkiisa ahaa oo La yaabay daacad Nimadiisa Kana Naxay Sida Gabdhahaan Beenta ugu sheegeen, ayaa waxuu dhahay waxaan ku baraa Gabar wadaada ah oo Reerkeedu Yahiin dad diinta ku wanaagsan oo Ku Nool Dalka Canada ,markii Hore Cumar waa diiday Lakiin markii Danbe Waa ogaaladay asigoo isleh Hadiiba ay wadaada Tahay waa ku duwaanan doontaa kuwii Hore oo Beenta Badnaa, Cumar markii Gabadha La baray 3 bilna wada socdeen Gabadhanu ay tahay gabar wadaada ah, ayuu markiiba sheekada waa usoo koobay waxuuna ka Codsaday Guur Xalaal ah, Raxiimo waxey u sheegtay in ay Guur diyaar U tahay Lakiin marka hore Uu ka Doonto Xaaji Muriiddi oo ahaa Aabaheed,Cumar ayaa isla Markiiba waxuu wacay Raxiimo aabaheed, waxuuna u sheegay in uu doonaayo Gabadhiisa raxiimo Ah, Xaajiga ayaa waxuu isla markiiba weydiiyay Wiilka Qabiilkiisa, Cumar ayaa waxuu la yaabay su,aashaasi Maadama uusan filaneyn waxuuna u sheegay In uu Yahay Nin Muslim ah Diintana Ku wanaagsan Qabiilna uusan Muhiim aheen, Lakiin Xaaji Muriidi ayaa markale Su,aashii ku celiyay, Cumar waxuu Ku qasbanaaday in uu sheego Qabiilkisa waxuuna u sheegay in uu kasoo Jeedo Qabiil ka mid ah qabaa'ilka Soomaaliyeed balse Raxiimo aabaheed markii uu maqalay magacii Qabiilka Codkiisa dhan ayaa is bedelay waxuuna muujiyay inuusan cajibin Qabiilkaas, Xaaji Muriidi ayaa waxuu hadalkii ugu soo koobay Cumar Anaga Qabaiiladaas Gabdha Kuma Darsano,Dadkeena ayey dhameeyeen Dumarkeenana waa iska kufsadaan,dhulkeenana xoog ayey ku heestaan ,Telefonekiina waa Isi saaray asigoo anan jawaab ka sugin Cumar.

Arinkaan ayaa waxuu Ku noqday Cumar filanwaa kuweynaaday madaxiisa, isla markaasina asagoo ilmeynaya ayuu waxuu is weydiiyay adiga miyaa iska dhigay Qabiilka aad tahay Mise Alle ayaa kaa dhigay ? Duqaan hadii asiga Qabiilkaada uu ahaan lahaa adigana Aad qabiilkiisa ahaan laheed ma rabi lahaa in aad sidaan ula hadasho? Qabiilkaada Hadii ay dad Dulmeen maxaa Kaa khuseeya? Hadii aad tahay ruux Islaam ah maku qanci waayay gabadha aad dooratay Aabaheed? Soomalida goormee Qabiil ka tanaasuli doonaan oo ay isku deey doonaan labadii is doorata? Waa Yaabe Ma aniga ay wax iga khaldanyahiin misa Dumarka somaliyeed Guur marabaan waxey rabaan in loo sheekeeyo kaliya? maxey Dumarkaan bartay u noqdeen kuwa reerkooda ii diiday iyo kawa iga dhuuntay?
Cumar waxuu is weydiiya su,aalahaas iyo Kuwa la Mid ah, Lakiin Ma UUsan Helin Cid uga Jawaabta, waxuu wacay Raxiimo waxuuna u sheegay aabaheed hadaladii uu ku hadaaqay, islamarkaana Raxiima oo uu ka sugaayay in ay Gabarab istaagto ayaa waxey u sheegtay in xiriirkoodii Halkaasi ku dhamaaday maadama aysan ka awood badneyn Aabbahii dhalay Ilaahna uu Amray in waalidka la adeeco. Cumar waxaa dheci jirtay mararka Qaar in uu Lacagtiisa Ku fadhiisto Internetcafee asigoo baahan si uu Gabadhaha uu xiriirka La lahaa Ugu sheekeeyo ayidoo mararka Qaarna Ay dheci jirtay in uu Internetcafee usoo Dego Xiliga Qaahira Laga jeefo maadama aanan Leesku waqti aheen, Lakiin hada Cumar waa iska dhaafay in uu wax xiriir ah la sameeyo ama uu aamino Dumar danbe sida uu ii sheegay, Cumar waxuu hada usoo jeestay in uu wax barashadiisa xooga saaro, markii uu iiga sheekeynaayay dhibaatooyinkan Dumarka uu aaminay u Geesteen Indhahiisa ay ilmeynayeen, islamarkiina xabadka ayaan galiyay waxaana ku samarsiiyay In wax waliba Alle uu qadaray islamarkaana adduunyadu ay tahay imtixaan sidaa darted uu samir yeesho, uuna heli doono qof jecel dumarkuna aysan isku wada mid aheyn.Arintaan oo ah mid aad murugo u leh ayaa noqotay mid ay ka xumaadaan dadkii asxaabta la ahaa Cumar waxaana ay noqtay mid ku reebta Murugo iyo amakaag Jaceyl, Luguna Xisaabiyo Sidii Qof waalan oo kale ,waxaase isweydiin mudan dumarkii sidaa ula dhaqmay Cumar oo ahaa ruux niyad wanaagsan halka ay ku dabneyn doonaan iyo duqii qabiilka marmarsiimada uga dhigay Arooska gabadhiisa uu wiil dhalinyaro ahna darted uu u qaracmay.
Qisadana ayaa waxuu Cumar iga codsaday in aan u bandhigo dhalinyarada Soomaaliyed si ay uga feejignaadaan waxyaabaha qaar oo ka dhaca aalladda Internetka waana ka aqbalay maadaama uu yahay ruux Dhibanne ah.