Mintidiinta Soomaaliya iyo Is Miidaaminta(Faallo Xiiso leh)

Tan iyo markii ay Ciidamada Dowlada Ethiopia Soo galeen Dalka Somaliya Gaar ahaan Magaalada Moqdisho, Waxaa magaalada Moqdisho Ka bilowday Wax aan Somalidu Hore u Arkin,

waxaa La Arkay In shaqsi Somali ah Inta Bam isku Xiro in uu Dad Masaakiin ah Isku Dhex Qarxiyo oo Ay Ku dhintaan Boqolaal Qof oo Aan Ku Tala Gelin In ay Sidaas Xanuunka Badan u Dhintaan, Una Soo Baxay In ay Noolaadaan, Gaalada Wey Is Dilaan Markii Ay Dhib Ku Noqoto Nolosha Aduunyada Lakiin Dad Kale Naftooda Kuma Ciyaaraan Sida Ka Dhaceyso Dalal Badan oo Dunida Islaamka Ku Yaalo oo Ay Somaliya Ka Mid Tahay.

Dadka IS Qarxinaayo Waxey Sheegtaan ama ay ku Andacoodaan in Ay dagaal Kula Jiraan Gumeysi waxeyna Aaminsanyahiin Ama Laga Dhaadhiciyay in Is Qarxisku Jihaad Yahay, Wiligeed Gumeysi Waa lala Dagaalmi Jiray, Rag Geesiyaal ah ayaana Dalkeena Xuriyada u Keenay, Lakiin Qaabkaan is Qarxiska ama is miidaaminta Waa Qaab Shacabka Somaliyeed Ku Cusub aadna Uga Nixiyay.

waxaa La Hubaa Dhalinyarada IS Qarxineyso In Ay Kuwa Wadaaddo sheeganaayo Ay gadaal Ka Fadhiyaan oo Ay Intey Maskaxda ka dhaqeen Ka Dhaadhiciyaan In Janada Lugu Gelaayo Suun La Xirto Oo dad Masaakiin ah Leesku Dhex Qarxiyo, Lakiin Waxaa Is weydiin Mudan hadii Sidaas Jano Lugu Gelaayo Maxaa Leesugu Dhibaa Cibaadda ? Waxey Noqee Hadii Sidaas Jano Lugu Gelaayo In salaada Iyo Soonka Iyo waajibaad Kale Ee Qofka Muslimka Ah Looga Baahanyahay in Leeska Dhaafo, Waxey Noqee In Qof Walba Is Qarxiyo Asigoo Wax Cibaaddo ah Isku Dhibin Hadiiba Sidaas jano Lugu Gelaayo . Qofka Jaahilka ah Iyo midka Caaqilka ah Iyo Cunuga Yar Waa Garan karaa in anan sidaasi jano lugu Galeyn, Ilaah Waxuu iNoo Abuuray In Aanu Dhulka Camirno ma uusan inoo Abuurin in Aanu Dhulka Kharibno, Qur'aankana Kuma Arag Meel Dadka Lugu Amraayo In ay is Qarxiyaan.

Waxaa Nasiib daro ah in Qof walba Diinta Siduu Rabo U fasirto, Kuwa Dhalinyarada hada Soo baxeyso ku Amraayo In ay Naftooda Sidaas Xanuunka Badan Ku Go,aayaan, waxey Caruurtoodii Geesteen Dibaddaha Oo Ay Wax Ugu Baranayaan Sida Sheekh Xasan Daahir Aweys oo Caruurtiisa Dalka Masar Wax Barasho U Geestay Kana Mid ah Shaqsiyaad Falalka Nuucaan oo Kale ah Tageera.

Taas Micnaheed Waxaa Waaye Raaxada iyo Nolosha Aduunyada Ilaah Nasiiyay Waxaan u Rabaa Dadkeyga kaliya, Lakiin dhimashada iyo Dhibaatada Waxaan La rabaa Dadka Kale, Wadaadka Geesiga ah ee Tageersan In Lees Qarxiyo ama Caruurta Ku Amraayo in ay is qarxiyaan waxaa Looga Baahanyahay in uu Asigu Dadka Uga Hor Maro Ama Caruurtiisa Ku Hormariyo Si loogu Daydo.

Nin Aqoonyahan ah oo kasoo Jeedo beelaha Laga Tirada Badan yahay Ayaa Waxuu Yiri Asigoo mar Beeshiisa La hadlaayo" beelaha Waa Weyn Ee Hawiye dalka intii Aysan Dowladi ka jirin Waxey Gumeysi Ku Heysan Jireen Beelaheena Siiba Kuwa Dega Gobalka Shabeelada Hoose oo Gabdhahooda Leeska Wada Jiray Nikaax La'aan, markii dalka Dowlada Timaadayna Waxey Caruurteena u Dhiibaan Suun Qarxaayo waxeyna ku Amraan In ay Is Qarxiyaan, Waxaan la yaabanahay Guurmey beelahaan Hawiye Ku Abtirsada Umada Dhibka ka Dhaafi doonaan"

Marka Aad Fiiriso hadalka Ninkaan Aqoonyahanka ah Waxaa kuu Muuqanaayo in hadalkiisu Run yahay, Maxaa Yeelay Dhalinyarada Is Qarxineyso Badankoodu wax ay Kasoo Jeedaan Beelaha Wiligood La Gumeysan Jiray, Waxaa anan Meesha Kaga Muuqaneyn Shaqsi Kasoo Jeedo Beelaha Kasoo Horjeedo Dowlada iyo Joogitaanka Ciidamada Ethiopia.

Tusaale Ahaan Aadan Ceerow oo ah Madaxa Kooxaha Nolosha U Diidan Shacabka Ku Nool Magaalada Moqdisho ee Al- shabaab Ama Al-Shar Cid Walba Sidey U Taqaano, Ma anan Maqlin Waa Is Qarxiyay Ama Qof ay Qaraabo Yahiin ayaa Is Qarxiyay, Taasina Waxey Muujinee In Kuwa Aadan Ceerow la Midka ah Aysan Naftooda Dhimasho La rabin oo Ay Fulayaal yahiin Waxeyna Jacel yahiin kaliya In ay Caruurta Been U sheegaan oo Ay Maskaxda ka Dhaqaan Ama ku Qasbaan in ay is Qarxiyaan, dhaqamada Ceenkaan Oo kale ah ayaa ah Kuwa Carabta Mintidiin ah Laga Dhaxlay waana dhaqan Aad U Fool Xun oo Aad Looga Naxo Waxaana Ku Kaco Shaqsi Qalbi Naxo Aan Leheen.

Dhalinyarada Is Qarxineyso Waxaan Jeclahay In aan U sheego In ay Ogaadaan Qiimaha Naftu Ay Leedahay Waxaana Wanaagsan In la Dhowr oo Aan Lugu cayaarin waxaa sidoo kale wanaagsan in Dadka Masaakiinta ah ee Usoo Baxay In ay Shaqeestaan Oo Ay Caruurtada Biilan Anan Naftooda Lugu Cayaarin, Diinteena Islaamka ee barakeysan Meel Ay kaga Qorantahay halees Qarxiyo Majirto, Waxaan Rejeynaa in Dhalinyarada Suumanka Qarxaayo Loosoo Xiraayo Ay weydiiyaan Kuwa u xiraayo, Caruurtooda halka Ay Geesteen ? waxaan Sidoo Kale U jeedinaa Dhalinyarada Soo Baxeyso In ay Fatwada iyo arimaha Diinta Ku Saabsan ka Qaataan Wadaadda Dhex dhexaadka ah oo anan Dan gaar ah Diinta Ku Raadineyn.

Khabiir Carab ah oo Arimaha Somaliya Aad ula Socdo ayaa Waxuu Yari Markii uu Arkay Dhalinyaro Somali ah oo IS Qarxinaayo" somalidu Carabta Waxey ka Faa'iideen In Ay is Qarxiyaan Intey ka faa'iid lahaayeen Cilmiga Iyo Diinta Islaamka Waxaana sababa U ah arinkaas Manhajka jihaadiga ah ee sacuudiga laga keeno oo Somaliya inta badan Schooladeeda Laga dhigo"

IN Dalka la Difaaco Waa Mas'uuliyad Qof Walba Saaran Cidna kaligeed Dalka Iskama laha, Lakiin Waxaa Loo baahanyahay In marka Hore Cid Walba xaqeeda lasiiyo isla Markaasna anan Cidna xuriyadeeda Lugu Xad Gudbin, l Dhibaatada dadka ay Heysato Maanta ee Laga Qaxiyay Guryahoodii Waa Kuwii Boqalaal Masaakiin ah oo Ayiga La Mid ah maalin Cad ka Qaxiyay Magaalada Moqdisho iyo kuwii u sacab Tumaayay In La Qaxiyo maantana Ayiga ayaa Qax ah Taasni Cadaalada Rabi.

Ujeedka Maqaalkeygu Maahan In aan Ku Faraxsanay Dhibaatada Heysata Shacabka Ku Nool Magaalada , dad Badan ayaa Waxey Maqaalkeyga U Qaadan doonan In aan Ku faraxsanahay dhiibaatada heysata shacabka ku nool magaalada moqdish, waxaan Jeclahay In aan u Sheego kuwa sidaas u fakir doona In an Ka Mid Ahay Kuwa Qaxoodu Danbeeyay, oo anan marnba ogoleen dhibaatada heysata Shacabka Moqdisho Ku Nool, Lakiin ujeedkeygu waxuu yahay in aan Muujiyo Khaladka Meesha uu ka jiro, Waxaa ILaah Shacabka Somaliyeed Ku Saliday Gumeysi Aan Dadka kala Sooceeyn Kadib markii Somalida dhex dhexdeeda Qolaba qoladey Ka Xoog Badantahay Gumeysatay, In Somalida Gumeysi Wada Simo Waxaa Keenay Cadaalada Alaah(SWT)Waxaana Wanaagsan in Asiga Loo Wada laabto Dulmigana Leeska Dhaafo Lana Dhowr Qof walbo Xaq ay u leedahay in ay Noolaato ayidoo Xur ah Si Dhibaatada Looga Baxo oo aanu u Helno Nidaam dimuquraadi ah oo Ku dhisan Cadaaladd